३० साउन, काठमाण्डौ । भारतको महेदान्त अस्पतालमा एक महिना लामो उपचार गराउदा पनि स्वास्थ्यमा खासै सुधार आउन नसकेपछि पूर्वप्रधानमन्त्री मरिचमान सिंहलाई नेपाल ल्याइएको छ । क्यानसर रोगवाट पीडित सिंहलाई एअर एम्बुलेन्स मार्फत गएराति ११ बजे नेपाल ल्याइएको उहाँको पारिवारिक स्रोतले जनाकारी दिएको छ ।

सिंहलाई थापाथलीस्थित नर्भिक अस्पतालको सघन कक्षमा भर्ना गरिएको छ । पारिवारिक स्रोतले दिएको जानकारी अनुसार सिंहको अवस्था अत्यन्तै कमजोर र स्थिर रहेको छ । मेदान्त अस्पतालमा सिंहको कमजोर स्वास्थय अवस्थाका कारण केमियोथेरापी उपचार असम्भव भनएको भन्दै अस्पतालले नेपाल लैजान सल्लाह दिएको हो ।