डा. आदर्श प्रधानजापानिज शब्द “रे” को अर्थ ब्रह्माण्डीय चेतना र “की” को अर्थ जीवनी शक्ति हो । अतः रेकी भन्नाले ब्रह्माण्डीय चेतनासहितको जीवनी शक्ति भन्ने बुझिन्छ । रेकी उपचार एउटा यस्तो अमूल्य विद्या हो, जसले मानिसको शारीरिक, मानसिक, भावनात्मक रोगहरुलाई जरैबाट निर्मूल बनाउन सक्दछ ।

जापानका गुरू मिकाउ उसुईले प्रदिपादन गर्र्नुभएको रेकी हाल विश्वभर अभ्यास गरिन्छ । ब्रह्माण्डमा रहेको चेतनायुक्त जीवनी शक्तिलाई बढी मात्रामा हाम्रो शरीरमा प्रवेश गरायौँ भने हामी पूर्ण रुपमा स्वस्थ हुन सक्छौँ । यसले आत्माबाट आउने ऊर्जाको रूकावट खोलिदिन्छ र मानिसको शरीरमा ऊर्जा पर्याप्त रुपमा हुन्छ, फलस्वरुप मानिस स्वस्थ हुन्छ ।

हाल रेकी वयस्ट्रन र ओरिजिनल गरी दुई प्रणालीबाट अभ्यास गरिन्छ । “वयस्ट्रन” प्रणालीमा मनबाट गरिने प्रार्थना, केही उपचारका कुराहरु समावेश गरिएका छन् भने “ओरिजिनल” प्रणालीमा स्वास्थ्यदेखि आत्मा रुपान्तरणसम्मका गुढतम कुराहरु समावेश गरिएका छन् ।

रेकी ऊर्जा सबै मानिसमा प्राकृतिक रुपमा नै हुन्छ । तर हामी कडा परिश्रम, अनिद्रा, तनाव, असन्तुलित भोजनजस्ता कारणले हामीमा रेकी ऊर्जाको बहाव कम हुन्छ र हामीलाई रोग लाग्दछ । त्यसैले, हामीमा रेकी ऊर्जाको मात्रालाई जति बढाउन सक्छौँ, त्यति नै मात्रामा हामी स्वस्थ हुन्छौँ । यसले शारीरिक तहमा मात्र नभएर मानसिक र भावनात्मक तहमा कार्य गर्दछ ।

रेकीबाट एक दशक लामो समयदेखि उपचार गर्दै आउनुभएका रेकी मास्टर डा. रञ्जन प्रजापती भन्नुहुन्छ– “मैले रेकीबाट उपचार गरेका सयौँ मानसिक, शारीरिक र भावनात्मक रोगीहरु स्वस्थ भएका छन् । वास्तवमा रेकीले बिस्तारै रोगको मूल जडलाई निमिट्यान्न बनाइदिन्छ । यसलाई शब्दबाट भन्दा पनि अनुभवबाट थाहा हुन्छ ।

कुन–कुन रोगलाई फाइदा हुन्छ ?रेकीले सबभन्दा पहिला रोगलाई भन्दा पनि रोगको मूल स्रोतलाई नै उपचार गर्दै जान्छ । त्यसपछि बिस्तारै रोग जरैदेखि निको हुन्छ । रेकीले हाम्रो मन, भावना हुँदै शरीरको ऊर्जाको बहावलाई सन्तुलित बनाई स्वस्थ बनाउँछ । यसले शारीरिक, मानसिक, भावनात्मक जुनसुकै रोगलाई निको बनाउन सक्दछ । तर, रेकीले औषधि खाएजस्तै तुरून्तै असर देखाउन थाल्दैन । यसका लागि रोगको प्रकृति, गहिराइअनुसारले समय लाग्दछ । यसका लागि रोगीमा धैर्यको खाँचो हुनु आवश्यक छ ।   निद्रा नलाग्ने समस्या

1.    डर, आत्मविश्वासको कमी

1.    शारीरिक जुनसुकै दुखाइ

1.     शारीरिक जुनसुकै रोगहरु

1.     भावनात्मक, मनोशारीरिक रोगहरु

रसियन इन्जिनियर क्रिलियनले आभामण्डल खिच्ने क्रिलियन क्यामेरा पत्ता लगाएपछि यो रेकी ऊर्जाको झन् मह¤व बढेको छ । जुन क्यामेराले रेकीको बहाव, गुणस्तरका साथै रेकी दिनुअघि र पछिको अवस्था सजिलै हेर्न सकिन्छ ।<<<<<<<<<>>>>>

(लेखक होलिस्टिक माइन्डस्, होलिस्टिक उपचार, प्रशिक्षण तथा अनुसन्धान केन्द्र धापासी, काठमाडौँमा कार्यरत छन् ।)