करूणा कुँवर, मनोविद्                                                                                                                                                                                      म ३३ वर्षीय विवाहित पुरुष हुँ। मेरी पाँचवर्षीया छोरी छिन्। यौनसम्पर्क गर्दा मलाई महिलाले हिल जुत्ता लगाएको मनपर्छ। यसमा म आनन्दित महसुस गर्छु। श्रीमतीले हिल जुत्ता लगाएको देख्दा यौन उत्तेजना बढेको महसुस हुन्छ र श्रीमतीलाई यौनसम्पर्कको समयमा हिल जुत्ता लगाउन कर गर्छु। उनी मेरो आग्रहलाई नकारात्मक रूपमा लिन्छिन्। उनी यस्तो व्यवहार कायम रहने हो भने डिभोर्स दिन्छु भनेर धम्क्याउँछिन्। उनको विचारमा यो मनोवैज्ञानिक समस्या हो। मलाई भने यो समस्या हो भन्ने लाग्दैन, बरु रोमान्टिक विचारजस्तो लाग्छ। यो कस्तो समस्या हो ?                           तपाईंको प्रश्न रमाइलो र केही आश्चर्यजनक पनि छ। तपाईंजस्तै अन्य पुरुषमा यस्तो समस्या हुन सक्छ कि सक्दैन भनेर मैले केही पुस्तक एवं इन्टरनेटको माध्यमबाट विश्वमा भएका अध्ययनहरूको खोजी गरेकी थिएँ। रमाइलो कुरा के भने उक्त सूचीमा मैले तपाईंको जस्तै समस्या भएका केही युवा फेला पारें। यस्ता समस्यामा केही अनुसन्धान पनि भएका रहेछन्।