शिशुले प्रयोग गर्ने कपडा र जुत्ता दुवै सुख्खा हुनुपर्छ, विशेषगरी जुत्ता राम्रोसँग सफा गरेर लगाइदिनुपर्छ ।

नङ सफा गरिरहनुपर्छ । तिनलाई बारम्बार साबुनले हात धुने प्रेरणा दिनुपर्छ। आफ्नो घर, शिशुको ओछ्यान आदिको सरसफाइमा पनि उत्तिकै विचार पुर्‍याउनुपर्छ । शिशु सुत्ने ठाउँ सुख्खा र सफा हुनुपर्छ । यदि शिशु धेरै सानो छ र राति सुत्दा निद्रामा पिसाब गर्छ भने डायपर प्रयोग गर्नुपर्छ ।

मौसममा आँखाको एलर्जी वा कन्जेक्टिवाइटिसको संक्रमण हुनसक्छ । शिशुको हात सफा राख्नुपर्छ र यदि उनीहरूसित खेल्ने कुनै शिशुलाई एलर्जी छ भने त्यस्ता शिशुबाट आफ्नो शिशुलाई टाढा राख्नु पर्छ । आफ्ना शिशुमा कुनै प्रकारको समस्या देखिए तुरुन्त चिकित्सकको सेवा लिनु उचित हुन्छ ।

शिशु पानीमा भिजेको छ भने कानमा पानी जाने सम्भावना पनि उत्तिकै रहन्छ । यस्तो अवस्थामा चिकित्सकको सल्लाहअनुसार कानमा औषधि हाल्नुपर्छ । आफूखुसी कुनै औषधि प्रयोग गर्नु हुँदैन । वषमा धेरैजसो धाराबाट आउने पानी पनि त्यति सफा हुँदैन । यस्तोमा फिल्टर गरिएको वा उमालेर चिसो गरिएको पानी नै प्रयोग गर्नुपर्छ वा कुनै राम्रो कम्पनीको बोतल बन्द पानी प्रयोग गर्नुपर्छ । शिशुका लागि खाना बनाउँदा पनि सफा पानी प्रयोग गर्नुपर्छ । यो मौसममा ब्याक्टेरिया धेरै बढ्छन्, अतः बासी खाना खानु हुँदैन । शिशुलाई जे ख्वाइन्छ त्यो ताजा हुनुपर्छ भने उनीहरूलाई बाहिरको खानाबाट टाढै राख्नु उचित हुन्छ । घरमै पनि शिशुलाई बढी तैलीय वा मसलादार खाना ख्वाउनु ठीक होइन । कारण यसबाट पनि शिशुलाई पखाला लाग्न सक्छ । यदि शिशु पानीमा भिजे वा तिनलाई नुहाइदिएपछि कुनै तातो पदार्थ, दूध, सुप, अण्डा, टोस्ट आदि ख्वाउनुपर्छ ।

कतिपय शिशुलाई वषरमा श्वास-प्रश्वासको समस्याका साथै रुघाखोकी लाग्न सक्छ । यस्तोमा शिशुलाई पहिले चिकित्सककहाँ पुर्‍याउनुपर्छ । यस्ता शिशुलाई वषरमा बढी हेरविचार गर्नुपर्ने हुन्छ । रुघा लागे पानीको बाफ लिन लगाउनु पनि लाभदायक हुन्छ ।

वषरमा शिशुलाई भाइरल ज्वरो एवं झाडापखाला आदि समस्याले सताउन सक्छन् । यस्तो अवस्थामा उनीहरूलाई आराम, राम्रो हेरचाह एवं चिकित्सकको सल्लाह आवश्यक पर्छ । कुनै रोगको लक्षण देखिए चिकित्सकको परामर्श लिनुपर्छ। शिशु स्वस्थ रह्यो भने वषरको मौसम पनि मस्त र रमाइलो हुन्छ ।